怪奇默友 – sowhatmovie 影評 EP3

· 03-11-2020 · Comments are off

怪奇默友 – sowhatmovie 影評 EP3:低成本唔係問題,做俾你做俾你
.
首先,故仔係講有自閉症嘅小朋友奧利要靠手機軟件同人溝通,所以俾同齡小朋友排擠,但父母都仆心仆命, 希望佢病情好轉。手機入面嘅怪物Larry睇中咗佢,想拉佢入第二個世界,喺嗰個世界Larry可以同佢做朋友⋯
.
好多用聲音(唔係配樂)做出嚟嘅jump scary,你明知下一秒總有啲嘢嚇9到你但你都只能硬食😂我只能掩住眼同耳仔頂硬上, 又驚又要睇。
亂風吹散嘅紙係空地拼湊出怪物輪廓、個細路玩測距儀呢兩吓我都幾鐘意,都知導演想點但都係會心跳加速。
電影好低成本,配樂都無乜淨用聲靠嚇(喂,最高成本應該就係後尾要CG隻怪物,所以放心啦佢真係有怪物俾你睇。
隻怪物係就係粗製咗少少,但都幾符合佢故仔本身嘅設定吖,要用手機鏡頭先睇到嘛,唔通攪到佢高清咩。監製都一定滿意㗎,低成本嘛(喂又鞭。
但低成本得嚟,我又覺得都睇得吓,劇情走向最後竟然變奏到好溫情(?),你話好唐突咩,我就覺得好神奇多啲。
.
幾個小朋友相處嘅場口,就算有怪物都好,觀眾都係會笑,一來係小朋友嘅反應攪笑多過驚有點尷尬,二來就係班小朋友太可愛( ´ ▽ ` ),都唔知係好事定壞事。
.
Larry唔會睇得上我
我屋企好細唔好撞爆啲牆plz
Larry整斷棟樓啲電香港人一定走晒出嚟屌到佢返電子世界

 

怪奇默友