奪命監 – 正仔影評 EP3

· 14-11-2020 · Comments are off

奪命監 – 正仔影評 EP3:一套被人忽視嘅中上之作。得89分鐘,基本上得6個演員,標準小成本嘅驚慄懸疑電影。除左畫面有少少低清外,整體運鏡、構圖都唔錯,戲中所運用嘅CCTV 鏡頭亦有玩味。前大半段節奏偏慢,人際關係嘅描寫方面效果還可以,但花左太長篇幅,令人覺得有d 悶。興幸最後半小時兇殺部份嘅戲肉喺節奏、氣氛、配樂都有唔錯發揮,加上原有嘅攝影水準,時間雖然太短而且過程過於簡單,但都足以滿足此類型電影嘅fans。

 

總括黎講故事相當簡單,前半段有d 拖,最尾掌握到驚慄電影嘅氛圍有d 睇頭。估唔到Dave Franco 轉做導演都唔錯,但似乎目前更適合拍恐怖懸疑電影磨練下先,如有更豐富劇本可能會更好。喺好可惜地無得睇<Halloween>續集嘅萬聖節期,都可以睇黎止下癮。

 

奪命監