夜香.鴛鴦.深水埗 – 正仔影評 EP6

· 24-11-2020 · Comments are off

夜香.鴛鴦.深水埗 – 正仔影評 EP6:明顯係小型製作嘅<夜香.鴛鴦.深水埗>只長78分鐘,由四個段落組成,格式上有d 似戲劇學院學生畢業作。前三段嘅短篇故事喺劇情上互不相關,而第四部分更變成鏘鏘集嘅紀錄片式節目。相對於畢業作品常見嘅特點,<夜香.鴛鴦.深水埗>喺手法甚至色彩運用上完全不走偏鋒,小有趣味,但想像力不足。

 

初時見到戲名以為係sell本土情懷同人情味,而片中嘅新界鄉村、玩具店、學校、茶餐廳都係大銀幕較少見嘅風景,主力描寫小人物但可惜拍唔出味道,故事亦無甚亮點。如果根據現有嘅故事發展落去都應該可以有唔錯嘅訊息出到黎,而家比我嘅感覺就更似係幾條短片promo 方便拎錢拍長片咁。查番資料先知由於資金問題,導演唯有將一個完整嘅故事打散,分成幾個獨立篇章,或多或少令成品箇中嘅主題難以言明。似係哀歎商業社會對舊香港情懷嘅壓縮,亦有側面描寫香港文化嘅消亡嘅不可抗進程。配合幾幕反送中運動嘅片段,以及電影最後一段深水埗區議會侯選人嘅專訪,足可見導演大概目的及其創作中妥協下嘅自我。希望如果有機會成功拍番原來版本,減少片中嘅鬆散程度,整合主題嘅話,相信效果會更好。

 

夜香.鴛鴦.深水埗